Book Release in Chennai, Kurinji Chuvai and Kaamoos (Arabic-Tamil Dictionary)

ஜமாலிய்யா அஸ்ஸய்யித் கலீல் அவ்ன் அல்ஹாஷிமிய் (JSKAAH)  மௌலானா அவர்களின்
குறிஞ்சிச் சுவை மற்றும் அரபு-தமிழ் (காமூஸ் ) அகராதி

நூல்கள் வெளியீட்டு விழா மற்றும் அவர்களது இலக்கியப்படைப்புகள் அறிமுக விழா.

அவ்னிய்யா உலக அமைதி அறக்கட்டளை, தரீகத்துல்  ஹக்கியதுல் காதிரியா மற்றும்  ஏகத்துவ மெய்ஞ்ஞான சபை  ஆகிய அமைப்புகளின் நிறுவனரும், தமிழ் அறிஞரும்,  அரபி மொழி வல்லுனரும், இஸ்லாமிய ஆன்மீக ஸுஃபி ஞான குருவுமாகிய  சங்கைமிகு ஜமாலிய்யா அஸ்ஸய்யித் கலீல் அவ்ன் அல்ஹாஷிமிய் (JSKAAH) மௌலானா அவர்களின்

“குறிஞ்சிச் சுவை” என்ற அரிய தமிழ் இலக்கிய நூல்
 மற்றும்
 அரபு-தமிழ் (காமூஸ் ) அகராதி (Arabic- Tamil Dictionary)

ஆகிய நூல்கள் வெளியீட்டு விழா மற்றும் அவர்களது இலக்கியப்படைப்புகள் அறிமுக விழா 22.12.2013 ஞாயிற்றுக்கிழமை  காலை 10.00 மணி முதல் எழும்பூர் காந்தி இர்வின் சாலையிலுள்ள "ஹோட்டல் ரமதா"வில் மிகவும் சிறப்பாக நடைபெற்றது.

ஆலிம் புலவர் எஸ். ஹுசைன் முஹம்மது மன்பஈ அவர்கள் இறைத்துதி ஓதி ஆரம்பம் செய்தார் .

அவ்னிய்யா உலக அமைதி அறக்கட்டளை, டிரஸ்டி, ஜனாப் எச். எம். ஹபீபுல்லா அவர்கள் வரவேற்புரை நிகழ்த்தினார்.

தஞ்சைத் தமிழ்ப்பல்கலைக் கழக முன்னாள் துணைவேந்தர் டாக்டர் அவ்வை நடராஜன் அவர்கள் தலைமை ஏற்று முதல் பிரதி வெளியிட்டு, நூல் வெளியீட்டுச் சிறப்புரை வழங்கினார்.

சென்னையிலுள்ள உலகத் தமிழ் ஆராய்ச்சி நிறுவன முன்னாள் இயக்குனர் டாக்டர் சிலம்பொலி செல்லப்பனார் அவர்கள் முதல் பிரதி பெற்று வாழ்த்துரை வழங்கினார்.

சென்னை பெரம்பூர் ஜமாலியா அரபிக் கல்லூரி முதல்வர் மௌலவி செய்யது நியாஸ் அஹமது ஜமாலி அவர்கள் அரபு - தமிழ் அகராதி (இரண்டாம் பாகம் ) வெளியிட்டு வாழ்த்துரை வழங்கினார்.

கவிஞர் மு. மேத்தா,
டாக்டர் நாகூர் ரூமி, ஆங்கிலத் துறைத் தலைவர் . மஜ்ஹருல் உலூம் கல்லூரி, ஆம்பூர்,
பெருங்கவிக்கோ வா. மு. சேதுராமன், தலைவர், பன்னாட்டுத் தமிழ் உறவு மன்றம்,

டாக்டர்.  ஹ. மு. நத்தர்சா, தமிழ்த் துறைத்தலைவர், புதுக் கல்லூரி , சென்னை.

மௌலானா மௌலவி அல்ஹாபில் அப்ஸலுல் உலமா. எம். ஷேகு அப்துல்லா ஜமாலி ஆகியோர்

நூலாசிரியர்  HH JSKAAH மௌலான அவர்களின்  மற்ற இலக்கிய மற்றும் ஆன்மீகப்படைப்பு (நூல்)களின்  சிறப்புகளையும் அவற்றின் இலக்கிய மற்றும் ஆன்மீக செறிவு பற்றியும் புகழாரம் சூட்டினார்கள்.

இறைமுரசு இ .வி.கே   முத்து முஹம்மது அவர்கள் திருநபி புகழ் பாடினார்.

திரு. முரளி அரூபன்  , துணைப் பேராசிரியர் , தமிழ்த்துறை , விழா நிகழ்வுகளை சிறப்பாக தொகுத்து வழங்கினார்.

சென்னை உயர் நீதி மன்ற வழக்குரைஞர் அ . அப்துல் ரவூப், அவர்கள் நன்றியுரை வழங்க விழா இனிதே நிறைவுற்றது.    

Shabe Baraath 2013 in Chennai

His Holiness Vappa Nayagam bleesed all the mureeds and prayed for everyone on the Holy Night of Shabe Baraath  in Chennai.

Jamaaliya Thottaththil Koidha Malar

மிஹ்ராஜ் விளக்கம்

 " லா மகான் " என்பது வெட்டவெளியாகிய மைதானமாகும். ஜிஸ்மு (உடல் ) ஸ்துலமாகும் . கல்பு (இதயம்) சூக்குமமாகும். இவைகளுக்கெல்லாம் அப்பால் ரஸூலுல்லாஹ் மிஹ்ராஜ் சென்றார்கள். (ஹக்கில் நான் நீயென்னும் நிலையற்று இரண்டறக் கலந்தார்கள் ) இதனாலேயே நாயகம் ஸல்லல்லாஹு அலைஹி ஸல்லம் அவர்கள் " மன் ரஅனீ .".பகத் ரஅல் ஹக்க ( என்னை எவர் கண்டாரோ அவர் ஹக்கை கண்டார்)" என்றார்கள்.

 அதாவது எவர் எம்பெருமானாரின் தாற்பரியத்தைக் கண்டாரோ அவர் ஹக்கை கண்டார் என்பது தான் கருத்து.

 - ஹகாயிகுஸ்ஸபாவில் சங்கைமிகு செய்கு நாயகம் அவர்கள்.

அல்லாஹு தஆலா சொன்னான்.  மிஉராஜானது  நானல்லாத சர்வ வஸ்துக்களை விட்டும் அகன்று விடுதலாகும். மிஉராஜின்   பூரணமாவது , பார்வை மழுங்கவில்லை , இன்னும் அது மட்டைக் கடக்கவில்லை என்ற குர்ஆனிய  திருவாக்கியத்தின்  கருத்தாகும்.

விளக்கம் : மிஉராஜ் என்பது இறைவனல்லாத   மற்றெல்லவற்றையும்  விட்டு நீங்கியிருப்பது. இறைவனிலேயே தனது நாட்டத்தை  செலுத்தி  அவனல்லாத வேறில்லையென முழுமையாய் நினைத்து  நானும் அதுவும் ஒன்றே அதற்கும் எனக்கும் எந்தப்பிரிவும் இல்லை. நான் பூரணமாய்  அதிலானேன் எனக்கருதி  தன்னையும் தன எண்ணத்தையும் முழுமையாய் இறையில் அருப்பணிப்பதே மிஉராஜ்  எனும் உயர்ச் சியாகும். 

-ரிஸாலதுல் கெளதியாவில் சங்கைமிகு செய்கு நாயகம் அவர்கள்.

ஜாமிஆ யாசீன் அரபுக்கல்லூரி- யில் வாப்பா நாயகம்..

சங்கைமிகு ஜமாலிய்யா சையது கலீல் அவ்ன் மௌலானா அல் ஹஸனிய்யுல் ஹாஷிமிய்நாயகம் அவர்கள் மதுரஸதுல் ஹஸனைன் ஃபீ ஜாமிஆ யாஸீன் அறபுக்கல்லூரி-யில் யாசீனி மாணவர்களுக்கு பாடம் கற்பிக்கின்றார்கள்.

ஞானம்

ஒருவர் நன்கு முயன்று கெட்டித்தனமாகப் படித்தால் வைத்தியரொருவராகலாம். அல்லது பொறியாளர் ஆகலாம். ஆனால், ஞானமில்லாத எந்தவொரு படிப்பும், அறிவும் பிரயோசனமற்றது.

ஞானம் என்பது அல்லாஹ்வை அறிவது. ஞானத்தின் மூலம் கலிமாவாகும். கலிமா என்பது நம்மிலும் நம்மிலிருந்து பரந்து விரிந்து நிலம், நீர், தாவரம், மரம், மட்டை, வானம், பூமி, அண்ட சராசரங்கள் அனைத்திலும் நீக்கமற நிறைந்துள்ளது. பரிபூரணமாக வியாபித்துள்ளது. எங்கும்பிரிவிலாதது. பிரிக்க முடியாதது. எனவே,கலிமாவின் உட்கருத்தை உணர்ந்தவர் தாம் காணும் மிருகங்கள், பட்சிகள் அதனின் (கலிமாவின்) ஒரு பகுதிதான் என்பதனை உணர்ந்துகொள்வர். ஒரு மரத்தில் பல கிளைகள் இருந்தாலும் அவையனைத்தும் அம்மரத்தின் பகுதிகளே என்பதனையும் உணர்வர்.

இவையனைத்தும்ஒன்றிலிருந்து உதயமானவை. அது, இது எனும் வேறுபாடு இல்லை, நீ நான் எனும் பிரிவேதுமில்லை என்பதனையும் உணர்வர். இந்தக் கூற்றுகளையெல்லாம் நன்கு சிந்தித்தாலே போதுமானது.

(சங்கை மிகு செய்கு நாயகம் அவர்கள்)

நிறமற்ற நீரி னுண்மை
நிரமுற்ற வைகள் தன்மை 
மறமற்ற பிர்ம உண்மை 
வடிவாதல் வாழ்வில் நன்மை 
பூதங்க ளைந்து பேதம் 
பூண்டாலும் பூர்ண நாமம் 
பேதங்க ளின்றி விரவிப் 
பெயர்கொண்ட ஞான வருவி

ஞான மறிந்த உன்னை 
ஞாலங்கள் போற்றும் தன்மை 
தானத்திற் றலைமை தன்னை 
தாங்கும் தகைமை உண்மை

(சங்கை மிகு செய்கு நாயகம் அவர்கள்)

பதுறு சஹாபாக்களை நினைவு கூர்வோம்!

எமது வயது பத்திருக்கும். எம் அருமைத் தாயார் அவர்கள் பதுறு மெளலிது எனும் நூலை வாங்கி எம் கையிற்கொடுத்து ஓதிவருமாறு கேட்டுக் கொண்டார்கள். நம் ஊர்ப் பகுதிகளில் வழக்கமாகவே யாவரும் பதுறு மெளலிது ஓதி வருதல் வழக்கம். இதனால் அவர்கள் இறைவனின் அதிகமான பாதுகாப்பையும் வாழ்விற் செழிப்பையும் அடைந்து வந்துள்ளனர்; அடைந்தும் வருகின்றனர். அல்ஹம்துலில்லாஹ். எம் அருமைத் தாயார் எமக்குக் கூறிய வண்ணமே ஓதிவந்தோம். இன்றும் ஓதிவருகின்றோம். யான்பெறும் இன்பம் அனைவரும் பெறுகவென்னும் நல்லெண்ணத்தால் நம் முரீத்களும் இதை ஓதி விளங்கி அவர்களும் பாதுகாப்பையும் பல நன்மைகளையும் அடைய வேண்டும் என்னும் எண்ணம் எமதுள்ளத்தை உந்தவும், ஓய்வின்மையால் தாமதப்படுத்தி வந்தோம். அப்போதோரிரவு கனவில் மனிதர் ஒருவர் தோன்றி இவ்வருண்மிக்க நூலை எம் கரங்களிற்றந்தார். அவர் இந்நூலை எமக்குத் தந்தமை மொழிபெயர்க்கவே என்று எம் மனம் அக்கனவின் கண்ணேயே உணர்த்திற்று. இனிமேற்றாமதித்தல் நன்றன்று என்று அன்றே என்றனெழுத்தைத் தொடங்கலானேன். அஃதே, இஃதுங்கள் கரங்களிற்றாங்கியுள்ளது. (பதுறு மவ்லிதுமொழி பெயர்ப்பு நூல் முன்னுரையில் சங்கைமிகு செய்குநாயகம் அவர்கள்)

பதுறு மவ்லிதில் வரும் அறபு 
பைத்துக்கு தமிழ்ப்பாடல்.

அவ்லியாக்க ளின்குதுபு
மார்களான இரட்சகரை
அவ்வலான அல்லாஹ் என்றும்
அன்புடனே பொருந்தினனே

வாழ்வதிலே சஞ்சலத்தில்
வாட்டும்மிடு மையழிவில்
ஆழ்பவரே அழைத்திடுவீர்
அருமைபது ரீங்களென்றே

துன்பம்துயர் நிறைந்தவரே
தூயபதுர்க ளிடத்தே
பண்பாயணுகி யழைப்பீர்
பதுருஸஹா பாக்களென்றே.

அமுத மொழிகள்


சாதனைகள் உளக்கலக்கம்
தோன்றிடும்போதினிலெல்லாம்
நீதர்பது ரீங்கள்தம்மை
நித்தமழைத்துய்திடுவீர்.

தக்கபதுர் களேஉங்கள்
தகைமையால்பாபிகளும்
மிக்கதுய ருடையவரும்
மீண்டும்ஜயமடைந்தனரே.

பதுரீன்கள்தம் பொருட்டினாலும்
பதியுமெங்கள்நாட்டங்களைத்
துதிகூறவே நிறைவேற்றுவாய்
சோதனையும்துயர்நீக்குவாய்.

சஞ்சலங்கள் நீக்கிடுவாய்
தங்கடங்கள்போக்கிடுவாய்
வஞ்சமதை நீக்கிநல்ல
வாழ்வதனைத்தந்திடுவாய்.

எம்மிறைவா ஆசையுடன்
ஈதுன்னிடம்வந்தண்டினோம்
உம்மிடமே தேட்டமுடன்
உண்மையுடன்வந்தடுத்தோம்.

ஆதலாலே பேறுகெட்ட
அன்னவர்போலாக்கிடாதே
தீதுடனே விரட்டிடாதே
தேட்டமறவாக்கிடாதே.

மாட்சிமையே பொருந்தியநீ
மன்னுசிறப்புடையவனீ
ஈட்டமதாம் பதுரீன்களால்
இன்கருணைபொழிந்தருள்வாய்

நாயகத்தின் மீதுமவர்
நல்லகிளையார்கள்மீதும்
தூயபது ரீன்கள்மீதும்
சுத்தஸலவாத்துரைப்பாய்.

ஹகாயிகுஸ்ஸபாவில்..... சங்கைமிகு செய்கு நாயகம் அவர்கள்

ஒவ்வொரு முஸ்லிமுக்கும் ஒரு சமூகத்தை அமைக்கும் பொறுப்பு உண்டு. அதை உணர்ந்து நாயகம் (ஸல்) அவர்களின் வழியில் நடந்து உண்மையான சிறப்பான சமூகம் உருவாக்குவோம்.

* பெருமானார் (ஸல்) அவர்கள் ஸஹாபாப் பெருமக்களுக்கு ஆசிரியராக இருந்து இஸ்லாம் எனும் தரீக்காவை (நேரான வழியை)க் கற்றுத் தந்தார்கள்.

* வஹ்தத்துல் வுஜூதைக் கொண்டு வந்ததே ரசூல் (ஸல்) அவர்கள் தாம். அல்லாஹ் எனும் சொல்லே வஹ்தத்துல் வுஜூதுதான்.

முரீதாகிய சிஷ்யனுக்கு அன்னாரின் பீர் ஆகிய ஞானோபதேசிகர் சர்க்கரை, கற்கண்டு ஆகியவற்றிலும் மேலான இன்பத்தையுடையவர்.

""அல்லா(ஹ்)வாகிறவன் ரோஜா மலளரைப் போலும், நபி (ஸல்) அவர்கள் சர்க்கரையைப் போலும், குருபிரான் பூவும் சர்க்கரையும் கலந்த இன்பமும் மணமுமுடைய குல்கந்து போலுமிருக்குமென்று நீ அறிவாயாக!'' என்று பாரசீகக் கவிஞர் ஒருவர் பாடியிருக்கிறார்.

""எவனொருவன் குருபிரானையும் அல்லா(ஹ்)வின் தாத்தாகிய சுயார்த்த ரூபத்தையும் ஏகமாகக் காணவில்லையோ அவன் முரீது ஆகிய உண்மை சிஷ்யனாகான்! உண்மை சிஷ்யனாகான்! உண்மை சிஷ்யனாகான்!!!'' என்று மெளலானா ஜலாலுத்தீன் ரூமி (ரஹ்) அவர்கள் தங்கள் மஸ்னவீ சரீபு என்னும் கிரந்தத்தில் கூறியுள்ளார்கள்.

வெளவால் கண்ணுக்குச் சூரியன் தெரியாதது போல் அறிவிலிகளுக்கு எங்ஙனம் ஹக்கின் தரிசனம் கிடைக்கும்? வெளவால் எங்ஙனம் சூரியன் தனக்குத் தெரியவில்லையயன்று கூறுமோ, அங்ஙனமே தங்களுக்கு ஹக்குடைய தரிசனம் கிடைக்கவில்லையயன்று சொன்னால், அந்த வெளவாலையும் அவ்வெளவாலின் குணம் படைத்தோரையும் அவர்கள் போக்கில் விட்டு விட்டு நீ யாவற்றுடனும் ஒற்றுமையாயிருந்து கொள்! வெளவாலையும் தொந்தரவிலாக்கி நீயும் தொந்தரவடையாதே!

மனிதன் ஒருவன் வெகு நாட்களாகத் தோட்டம் பார்க்க வேண்டுமென்ற ஆசையினால் பூங்காவனத்தை விட்டுப் பிரிந்த பிரிவாற்றாமையைச் சகிக்காத புல் புல் பறவையைப் போன்று வாட்டமுற்றிருந்ததால் ஒரு சிறந்த மனிதர் அவனை ஒரு தோட்டத்திற்கு அழைத்துச் சென்று, இதுதான் தோட்டம்; பார்க்க வேண்டியவற்றையயல்லாம் நீ நன்கு சுற்றிப் பார்த்துக் கொள்! என்று சொன்னார். தோட்டம் பார்க்க வந்தவன் நிர்மூடனாகவிருந்ததால், தோட்டம் யாதென்று விளங்காது, குளம், கிணறு, தண்ணீர், வாய்க்கால், தென்னை, மாதுளை, வாழை, இலந்தை, முந்திரி, மல்லிகை, முல்லை ஆகியவைதானே தென்படுகின்றன. தோட்டம் என்பது யாது? எங்கிருக்கிறது? அதனை எனக்குக் காட்டி வைக்க வேண்டும் என்று அவன் கேட்டபோது மற்றவர் திகைத்துப் போய் உனக்கும் இதற்கும் சம்பந்தமில்லை. வெளியே போ! என்று அவனைக் கோபித்துத் தன்னை விட்டும் விரட்டி விட்டார்.

- ஹகாயிகுஸ்ஸபாவில்..... சங்கைமிகு செய்கு நாயகம் அவர்கள்