வரும்காலம் ஞானம் நிறைந்தகாலமே !

தற்பெருமை, பொறாமை,எனக்குத் தான் எல்லாம் தெரியும் எனும் மமதை, மற்றவர்களை மக்கள் மத்தியில் வைத்து இழிவுபடுத்துவது போன்ற செயற்பாடுகள் எல்லாம் ஒரு மனிதனை இழிவுபடுத்திவிடும். மற்றவர் சொல்வதில் உண்மை இருக்க தன்னலனுக்காக அதைப் பொய்ப்படுத்த முனைதல்,ஒன்றைச் செய்ய முடியுமாய் இருக்க ஒரு சிலரின் கோபத்திற்காக அது தனக்கு முடியாத காரியம் எனக் கூறி மற்றவர்களின் மனதையும் கெடுத்தல் போன்ற அடாச் செயல்கள் ஒருமனிதனின் உள்ளத்து ஒளிவை அமாவாசையாக்கி விடும்.

உள்ளத்துள் கள்ளம் இருக்கக்கூடாது. கள்ளம் என்னும் கறை உள்ளத்துள் பதிந்து விட்டால் அவனைச் சீர் திருத்துவதே முடியாத காரியமாகி விடும். அந்தக் கறையைப் போக்க கெமிகல்களும் இல்லை.

நாம் ஆணையிட்டுள்ள காரியங்களை இனிதே செய்யாது அக்காரியங்களிற் பராமுகமாக இருப்பது நம்மை இழிவுபடுத்துவது.

ஒரு காலத்தில் ஞானம் அழிந்து போனதற்குக் காரணமாக இருந்தவர்களே இப்படிப்பட்ட திறமைசாலிகள். எது எப்படியிருப்பினும் வருங்காலம் ஞானம் நிறைந்த காலமாகவிருந்து வஹ்ஹாபி எதிரிகளை அடியோடு அழிக்கும் மருந்தாகத் தெளஹீத் ஆக வேண்டும் என்பதே நமது முக்கிய எண்ணம்.

( சங்கைமிகு ஷைகு நாயகம் அவர்கள் நமது உதவி ஆசிரியர் மெளலவி அப்துஸ்ஸலாம்
ஆலிம் அவர்களுக்கு அருளிய பட்டோலையிலிருந்து )

ஞானக்கலையை யறிதல் - II

முரீதுகள் தம்மை எல்லா வி­யங்களிலும் சுத்தமாக்கிக் கொள்ள வேண்டும்.. உணவு, நடை, உடை பாவனைகள்,நன்னடத்தைகள், நல்லெண்ணங்கள், நல்ல சிந்தனைகள், நல்ல செயல்கள் என அனைத்திலும் சுத்தமாக இருக்க வேண்டும்.

சுத்தமாகஇருப்பது மிக முக்கியம். அவ்வாறு சுத்தமாக இருந்தால், சுத்தமானவராக வாழ்ந்தால் அல்லாஹ்வை அறியலாம்.

ஒரு முரீது தன்னையே தனக்கு ஒரு கண்ணாடியாகப் பாவித்துக் கொள்ள வேண்டும். நான் எப்படி இருக்கின்றேன்? எனது தொழிலை நான் சரிவர செய்கின்றேனா?யாருக்காவது நான் அநியாயம் செய்கின்றேனா? என்பதனைதனக்குத் தானே மனதில் கேட்டு சரி செய்து கொள்ள வேண்டும். 

- சங்கைமிகு செய்கு நாயகம் ஸய்யிது கலீல் அவ்ன் மெளலானா நாயகம் அவர்கள்.

ஞானக்கலையை யறிதல் -I

எக்கலையைக் கற்று எந்நிலையடைந்த போதும் நாம் நம்மையறியும் கலையாகிய ஞானக்கலையை யறிதல் மிக அவசியமாகின்றது.

ஞானமே நம்மைப் பூரண மனிதராக்கவல்லது.
ஞானமே சர்வ ஆசாபாசங்களிலிருந்தும்
நம்மை நீக்கிக்கொள்வது.

-சங்கைமிகு செய்கு நாயகம் அவர்கள்-

Top of Form

இஸ்லாத்தில் ஆன்மீகக் கலை இல்லையெனக் கூறி இஸ்லாத்தை இழிவு படுத்துவர். அவ்வாறு கூறுபவர்கள் இஸ்லாமிய தத்துவத்தையே அறியாது, அறியாதார் சொற்கேட்டு வழிகெட்டுப்போகும் அப்பாவிகள். ரஸூல் நாயகம் அவர்களுக்கு முன் வந்த வேதங்களில் ஏகத்துவக்கலை ஒழுங்குபடுத்தப்படாதிருந்தது. அதனாலேயே மனிதனைக் கடவுளெனக்கருதி வணங்கும் நிலை ஏற்பட்டது.

எந்த நபியும் தன்னை வணங்கும்படி கூறவில்லை. ஆயினும் மக்கள் வணங்கத் தொடங்கினர். எம்பெருமானார் முழுமையே இறை; மற்றனைத்தும் அதன் பகுதிகளே எனக்கூறி, முழுமையான இறையையே வணங்குங்கள்; அதன் பகுதிகளை வணங்காதீர்கள். அது ஷிர்க்கெனும் இணைவைத்தல் என விளக்கம் பகர்ந்தமையாலும் தன்னை வணங்காதீர்கள் என்று கூறியமையாலும் விக்கிரகவணக்கங்கள் நிக்கிரகம் செய்யப்பட்டன. அன்றோடு மனிதனையோ விக்கிரகங்களையோ வணங்கிவந்த வணக்கத்திற்கு முற்றுப்புள்ளி போடப்பட்டது. அல்ஹம்துலில்லாஹ். இதையறியாத சிலர் ஏகத்துவ ஞானம் அல்லது ஸூபிஸம் என்பது மனிதனை வணங்கும் கலையென சிறுபிள்ளைத்தனமாகக் கூறுவது அன்னியர் மத்தியில் வெட்கித் தலைகுனிய வேண்டிய செயலாகும். அந்தக் கலையை அறியாவிட்டால் அறிந்தவரிடம் அறிந்துகொள்ள முயற்சி எடுக்கவேண்டும். அல்லது மவுனமாக இருக்க வேண்டும். வேத தத்துவார்த்தங்களைக் கொலைசெய்யத் துணிவது பகுத்தறிவற்ற செயலாகும்.

வாழ்கநம் தீட்ச தர்கள்
வாழ்கநம் பக்தர் கோடி
வாழ்கநம் மக்க ளெல்லாம்
வாழ்கநம் ஏக ஞானம்
ஆழ்கநஞ் ஞானந் தன்னில்
அறிவிலா எதிரிகள் தாம்
வீழ்கவே வீழ்க என்றும்
வாழ்கநம் ஞான மாமே

(சங்கைமிகு செய்கு நாயகம் அவர்கள்)